Mirabèl que harà un concèrt de musica tradicionala occitana dens la programacion de la hèsta d'ivèrn del Centre Cívic Palou, de Granollers
Talhèr de danças occitanas (en occitan!)
Lo CAOC e Mirabèl qu'organitzan un talhièr de danças occitanas (en occitan!) tà aprener quauques danças tipicas e vivantas d’Occitània. Lo professor que será lo Joan Codina Vila.
4 sessions, cada ua dedicada a un tipe de dança:
17/10 Borrèia I (Iniciacion)
Dilhèu que la borrèia qu'ei la dança mei representativa d'Occitània... Ne'm sabem pas s'ei vertat, mas qu'ei ua certesa qu'avèm mantuas fòrmas e tradicions de dançar la borrèia. Aquí qu'anem nos iniciar un drin dab las borrèias de l'Aubrac.
07/11 Borrèia II (continuacions dab borrèias mei coreografiadas)
E que'm vam dar continuacion au talhèr precedent dab d'autas fòrmas de borrèias mei coreografiadas (mes pas per aquò mei complicadas!). E se tenem lo temps, qu'anem visitar d'autas tradicions de borrèias.
21/11 Sauts - nivèu basic
Tots los dançaires qu'an dançat quauque còp "Los sèt sauts". (E se non los avètz jamèi dansats, adara qu'ei l'ocasion perfièta!). Aquesta dança que hè partida deus "sauts". Per aquesta session qu'anem apréner dab detalh e precision los passes d'aquesta dança e d'autas: lo pantelon, lo peiroton, Mariana…
28/11 Sauts - nivèu avançat
E aquí que'm vam dar continuacion a tot çò qu'aurèm après au talhèr precedent, mes dab un nivèu mei avançat, dab sauts mei hòrts e dab passes mei complicats.
🎂“Mirabèl nais a Sabadell en 2004 de la volontat de partejar la musica e las danças de la tradicion occitana, en profechant de la preséncia de Rafèu Sichel-Bazin que la coneis de primièra man.”
🎂Ja hè 20 ans d’aquerò! Qu’ei per aquerò qu’ac vam hestejar tots amassa. Que vs’esperam aqueste divés tà trincar per tot aqueste temps amassa!
Pol Aumedes Morell (acordeon, votz)
Joan Codina Vila (flaütas, votz)
Ermengol Marcos Forniol (violon, votz)
Mirabèl que sera present a la 20ena edicion deu Festival Passa-Pòrts, deth Ostau Comengés.
Après lo talhièr de danças catalanas dab lo Joan Codina Vila, que será lo torn d'un bal fòlc occitan e catalan dab Mirabèl.
Lo CAOC, lo Centre de Cultura Popular La Violeta de Gràcia e Mirabèl qu'organitzan un talhièr de danças occitanas (en occitan!) tà aprener quauques danças tipicas e vivantas d’Occitània. Lo professor que será lo Joan Codina Vila.
4 sessions, cada ua dedicada a un tipe de dança:
07/03 Rondèu en cadena
En un bal gascon n’i pòt pas mancar lo rondèu! Ua dança colectiva tà la dançar e cantar! Tà lo purmer jorn que començaram dab lo rondèu en cadena.
14/03 Rondèu a dus
Dab lo pas deu rondèu qu’aniram explorar autres tipes de rondèu, mantuas fòrmas de rondèu a dus.
04/04 Congòs
Enqüèra dab lo pas de rondèu qu’aniram visitar las contradanças mei coneishudas e apreciadas aus baletis: los congòs
25/04 Borrèia planièra e autras pichòtas danças
Finfinala, ua session dedicada a la borrèia planièra e a d’autras pichòtas danças occitanas. S’avèm léser, qu’arrevisaram totas las danças qu’aurèm apres aquestes 4 jorns.
Que'vs podètz inscriver aus quarte talhèrs, o sonque per un solet.
📆 07/03/25, 14/03/25, 04/04/25, 25/04/25
⏱ 18h a 20h
📮Centre de Cultura Popular La Violeta de Gràcia (Carrer de Maspons, 6, Gràcia, 08012 Barcelona)
🎫 48€ las 4 sessions (37€ sòcis deu CAOC e Amics del CAT) (14€ la session soleta)
